"Arsenal" bosh murabbiyi Mikel Arteta APL doirasida "Tottenxem"ga qarshi o‘yinda (2:0) qo‘lga kiritilgan g‘alaba haqida fikr bildirdi.
"Menga hammasi yoqdi. Biz qanday o‘ynaganimizdan, qanday dadil harakat qilganimizdan xursandman. Ishonchim komilki, biz "Arsenal"ning ko‘plab muxlislarini xursand qildik.
O‘yinchilar biz qilayotgan hamma narsani amalga oshirishga intiladilar. Bu ajoyib jamoa. O‘ylaymanki, bugun biz oldinga yana bir qadam tashladik. O‘tgan mavsumda katta stadionlarda g‘alaba qozongan bo‘lsak, bugungi g‘alaba o‘zgacha zavq bag‘ishladi.
Bu jamoaga qarshi shunday o‘ynash uchun siz nafaqat jasur va qat’iyatli bo‘lishingiz, balki o‘zingizga ishonishingiz va yetarli mahoratga ega bo‘lishingiz kerak. Va bu aniq futbolchilarga bog‘liq.
Biz juda agressiv o‘ynadik, yuqori bosim ostida o‘ta intensiv harakat qildik. Biz ko‘plab yakkakurashlarda g‘alaba qozondik. "Tottenxem" bo‘sh xududlarni yaratdi, ular juda xavfli jamoa, ammo biz yaxshi ishladik" - dedi Arteta Sky Sports bilan suhbatda.
