"Арсенал" бош мураббийи Микель Артета АПЛ доирасида "Тоттенхэм"га қарши ўйинда (2:0) қўлга киритилган ғалаба ҳақида фикр билдирди.
"Менга ҳаммаси ёқди. Биз қандай ўйнаганимиздан, қандай дадил ҳаракат қилганимиздан хурсандман. Ишончим комилки, биз "Арсенал"нинг кўплаб мухлисларини хурсанд қилдик.
Ўйинчилар биз қилаётган ҳамма нарсани амалга оширишга интиладилар. Бу ажойиб жамоа. Ўйлайманки, бугун биз олдинга яна бир қадам ташладик. Ўтган мавсумда катта стадионларда ғалаба қозонган бўлсак, бугунги ғалаба ўзгача завқ бағишлади.
Бу жамоага қарши шундай ўйнаш учун сиз нафақат жасур ва қатъиятли бўлишингиз, балки ўзингизга ишонишингиз ва етарли маҳоратга эга бўлишингиз керак. Ва бу аниқ футболчиларга боғлиқ.
Биз жуда агрессив ўйнадик, юқори босим остида ўта интенсив ҳаракат қилдик. Биз кўплаб яккакурашларда ғалаба қозондик. "Тоттенхэм" бўш худудларни яратди, улар жуда хавфли жамоа, аммо биз яхши ишладик" - деди Артета Sky Sports билан суҳбатда.
