Italiyalik yarim himoyachi Nikolo Dzanyolo Angliya Premyer-ligasiga o‘tishi mumkin. Get Italian Football News jurnalistlarining xabarlariga ko‘ra, yarim himoyachiga bir vaqtning o‘zida bir nechta klub qiziqmoqda. Gap Londonning “Tottenxem”, “Vest Xem”, “Nyukasl” va “Nottingem Forest” jamoalari haqida ketmoqda. “Shporlar” futbolchini sotib olish uchun eng yaxshi imkoniyatga ega.

Bundan tashqari, Nikoloda faoliyatini Italiya chempionatida davom ettirish imkoniyatlari bor. Uning transferi bo‘yicha "Yuventus" va "Milan" klublari "Roma" bilan bog‘lanishgan. Rimliklar 23 yoshli yarim himoyachini 30 million yevroga baholamoqda. Uning klub bilan shartnomasi 2024 yilning o‘rtalariga qadar tuzilgan.