Италиялик ярим ҳимоячи Николо Дзаньоло Англия Премьер-лигасига ўтиши мумкин. Get Italian Football News журналистларининг хабарларига кўра, ярим ҳимоячига бир вақтнинг ўзида бир нечта клуб қизиқмоқда. Гап Лондоннинг “Тоттенхэм”, “Вест Хэм”, “Ньюкасл” ва “Ноттингем Форест” жамоалари ҳақида кетмоқда. “Шпорлар” футболчини сотиб олиш учун энг яхши имкониятга эга.
Бундан ташқари, Николода фаолиятини Италия чемпионатида давом эттириш имкониятлари бор. Унинг трансфери бўйича "Ювентус" ва "Милан" клублари "Рома" билан боғланишган. Римликлар 23 ёшли ярим ҳимоячини 30 миллион еврога баҳоламоқда. Унинг клуб билан шартномаси 2024 йилнинг ўрталарига қадар тузилган.













