“Antverpen” jamoasi futbolchisi belgiyalik yarim himoyachi Raja Nainggolan Italiya chempionatiga qaytishi mumkin. Jurnalist Nikolo Shkiraning xabar berishicha, 34 yoshli futbolchini "Kalyari" o‘z safiga qo‘shib olmoqchi. Tomonlar muzokara olib bormoqda.

Eslatib o‘tamiz, Nainggolan bungacha ham “Kalyari”da o‘ynagan. Umuman olganda, u bu jamoada taxminan besh yil o‘tkazdi.

Yarim himoyachining hozirgi transfer qiymati bir million yevroga baholanmoqda. Joriy mavsumda Raja 12 ta o‘yinda maydonga tushib, 1 ta gol va 1 ta golli uzatmaga mualliflik qilgan.