“Антверпен” жамоаси футболчиси белгиялик ярим ҳимоячи Ража Наингголан Италия чемпионатига қайтиши мумкин. Журналист Николо Шкиранинг хабар беришича, 34 ёшли футболчини "Кальяри" ўз сафига қўшиб олмоқчи. Томонлар музокара олиб бормоқда.

Эслатиб ўтамиз, Наингголан бунгача ҳам “Кальяри”да ўйнаган. Умуман олганда, у бу жамоада тахминан беш йил ўтказди.

Ярим ҳимоячининг ҳозирги трансфер қиймати бир миллион еврога баҳоланмоқда. Жорий мавсумда Ража 12 та ўйинда майдонга тушиб, 1 та гол ва 1 та голли узатмага муаллифлик қилган.