Football Insider xabariga ko‘ra, PSV "Norvich" yarim himoyachisi Todd Kantvellga qiziqish bildirmoqda.
Manba bergan xabarga ko‘ra, Niderlandiya klubi 24 yoshli angliyalik futbolchini qishda "Liverpul"ga o‘tib ketgan hujumchi Kodi Gakpoga o‘rinbosar sifatida ko‘rmoqda. Futbolchiga "Reynjers" ham qiziqish bildirmoqda.
2022/23 yilgi mavsumda Kantvell "Norvich" safida 19 ta o‘yinda ishtirok etdi va birorta ham gol urmadi. Transfermarkt.com portali futbolchining narxini 8 million yevroga baholamoqda.