Madridning “Real” klubi matbuot xizmati Ispaniya La Ligasining 35-turidan o‘rin olgan “Barselona”ga qarshi o‘yinga tayyorgarlik doirasida asosiy jamoa mashg‘ulotidan suratlarni e’lon qildi. Kadrlarda OAVda janjallashgani haqida xabarlar tarqalgan yarim himoyachilar Orelyen Tchuameni va Federiko Valverde ham aks etgan.

Matbuot ma’lumotlariga ko‘ra, Valverde jamoadoshi bilan mushtlashuvdan keyin hushini yo‘qotgan va shifoxonaga olib ketilgan. Mashg‘ulot fotohisobotida urugvaylik futbolchi birinchi suratda, Tchuameni esa ikkinchi kadrda tasvirlangan. Keyingi fotolarda esa ikki yarim himoyachi ko‘rinmagan.

Klub rasmiy sayti ma’lumotiga ko‘ra, hujumchi Kilian Mbappe mashg‘ulotning bir qismini jamoa bilan o‘tkazgan. Yarim himoyachi Arda Gyuler individual tarzda shug‘ullangan, jarohatlangan Rodrigo, Eder Militao, Ferlan Mendi va Daniel Karvaxal esa tiklanish jarayonini davom ettirmoqda.

Jarohati sabab mashg‘ulotni o‘tkazib yuborganlar ro‘yxatida na Tchuameni, na Valverde nomi tilga olingan.