Italiyaning “Salernitana” klubi bosh murabbiyi Davide Nikola iste’foga chiqarildi. Bu haqda klub rasmiy sayti ma’lumot berdi.
49 yoshli mutaxassisning iste’fosiga Italiya “A” seriyasining 18-turidan o‘rin olgan “Atalanta” – “Salernita” bahsida salernoliklarning yirik hisobda (2:8) imkoniyatni boy berishgani sabab bo‘ldi.
Ta’kidlash joizki, Davide Nikola “Salernitana”da 2022-yil fevral oyidan buyon faoliyat yuritayotgandi. Ushbu mutaxassis qo‘l ostida jamoa 34 ta uchrashuv o‘tkazib, 8 ta g‘alaba, 12 ta durang va 14 mag‘lubiyatni qayd etdi.
Eslatib o‘tamiz, “Salernita” ayni paytda 18 ta o‘yindan so‘ng, 18 ochko bilan turnir jadvalida 15-o‘rinni egallab turibdi.
