The Athletic xabariga ko‘ra, "Brayton" yarim himoyachi Leandro Trossardni sotib olish uchun "Tottenxem"ning 12 million funtlik taklifini rad etdi.

Trossard yangi yildan beri "Brayton"da bir daqiqa ham o‘ynamadi, chunki unda "chaykalar" bosh murabbiyi Roberto De Zerbi bilan ziddiyat yuzaga keldi.

28 yoshli belgiyalik futbolchining agenti mijozi yangi shartnoma imzolamasligini va yanvarda klubni tark etishni istayotganini allaqachon aytgan.

Trossardga Londonning “Chelsi” va “Arsenal” klublari ham qiziqmoqda.

Yarim himoyachining "Brayton" bilan shartnomasi 2023 yilning yozida yakuniga etadi. Joriy mavsumda u Premyer-ligada 16 ta o‘yinda maydonga tushib, 7 ta gol urdi va 3 ta golga assistentlik qildi.