Dortmundning «Borussiya» klubi jarohat olgan himoyachi Toma Menyega o‘rinbosar topdi.
Jurnalist Patrik Bergerning so‘zlariga ko‘ra, «asalarilar» rahbariyati Berlinning «Union» vakili Yulian Ryuerson bilan shartnoma imzolashga qaror qilgan. Qayd etilishicha, «Borussiya» poytaxt klubiga besh million yevro miqdorida tovon puli to‘laydi.
25 yoshli norvegiyalik bugun tibbiy ko‘rikdan o‘tishi kerak. Eslatib o‘tamiz, Toma Menye jarohati tufayli bir oyga yaqin vaqt mobaynida maydonga tusha olmaydi.
Joriy mavsumda Ryuerson barcha musobaqalarda «Union» libosida 21 ta o‘yin o‘tkazgan va gol ura olmagan.
