Дортмунднинг «Боруссия» клуби жароҳат олган ҳимоячи Тома Меньега ўринбосар топди.
Журналист Патрик Бергернинг сўзларига кўра, «асаларилар» раҳбарияти Берлиннинг «Унион» вакили Юлиан Рюэрсон билан шартнома имзолашга қарор қилган. Қайд этилишича, «Боруссия» пойтахт клубига беш миллион евро миқдорида товон пули тўлайди.
25 ёшли норвегиялик бугун тиббий кўрикдан ўтиши керак. Эслатиб ўтамиз, Тома Менье жароҳати туфайли бир ойга яқин вақт мобайнида майдонга туша олмайди.
Жорий мавсумда Рюэрсон барча мусобақаларда «Унион» либосида 21 та ўйин ўтказган ва гол ура олмаган.
