«Vulverxempton» bosh murabbiyi Xulen Lopetegi «PSJ»dan kelgan Pablo Sarabiya transferi haqida fikr bildirdi.
«Sarabiya - yaxshi futbolchi. U bizga ko‘p yordam beradi, yaqin kunlarda biz bilan ishlay boshlaydi. Bizda shunday futbolchi borligidan xursandmiz. Yangi transferlar? Ayni paytda men bu haqda o‘ylamayman. Meni tashvishga solayotgan narsa shuki, Angliya Kubogidan chiqib ketdik, tamom», - dedi Lopetegi.
Ma’lumot uchun, 30 yoshli ispaniyalik futbolchi «Vulverxempton» bilan 2,5 yillik shartnoma imzoladi. Yangi jamoada u 21-raqam ostida o‘ynaydi.
