"Napoli" hujumchisi Jovanni Simeone jamoaning Italiya kubogini tark etishi haqida gapirdi. 1/8 final doirasida Neapol klubi “Kremoneze”ga mag‘lub bo‘ldi (2:2, 4:5 – penaltilar seriyasida).
“Biz xohlagan o‘yinni ko‘rsata olmadik. Birinchi bo‘limda biz juda sekin o‘ynadik, keyin yaxshiroq kombinasiyalasha boshladik. Bu natija uchun uzr so‘rayman. Jamoa harakat qildi, kurashdi, ammo muvaffaqiyatga erisha olmadik. Ba’zida o‘yin taqdirini omad hal qiladi", - deydi argentinalik futbolchi.
Italiya kubogi ¼ finalida “Kremoneze” poytaxtning “Roma” klubiga qarshi maydonga tushadi.
