"Manchester Siti" hujumchisi Erling Xoland Ole-Gunnar Sulsher bir paytlar "Molde"da yo‘llarini kesishganda unga qanday yordam berganini esladi.
"Sulsher menga aytgan birinchi narsa, bosh bilan o‘ynashni bilmasligim edi. Buning ustida ishlashim kerakligini u menga tushintirgan edi. Men "Molde"da bo‘lganimda ikki yil shuning ustida ishladik. Va hamma narsa yaxshi chiqdi. Ilgari to‘pni boshim bilan ura olmasdim, endi esa boshim bilan ham gol uraman. Unga rahmat", dedi Xoland.
Eslatib o‘tamiz, o‘tgan yozda Erling Xoland "Borussiya Dortmund"dan "Manchester Siti"ga o‘tgan edi. O‘shandan beri norvegiyalik 24 ta o‘yin o‘tkazib, 27 ta gol urgan.