Dortmundning "Borussiya" klubi hujumchisi Yusuf Mukoko nemis klubi bilan shartnomasini uzaytirishga rozi bo‘ldi. Jurnalist Nikolo Skiraning xabar berishicha, u 2027 yilgacha yangi shartnoma tuzadi.

18 yoshli hujumchi joriy mavsumda "Borussiya Dortmund" safida barcha turnirlar doirasida 22 ta o‘yinda maydonga tushib, 6 ta gol urdi va 6 ta golli uzatmani amalga oshirdi.

Uning klub bilan amaldagi shartnomasi 2023 yilning yoziga qadar mo‘ljallangan. Yusuf Mukokoga "Barselona", "Liverpul", "Chelsi", "Manchester Yunayted" va Angliya Premyer-ligasining boshqa vakillari qiziqish bildirishgan.

Avvalroq Mukoko yoshni soxtalashtirishda gumon qilinayotgani xabar qilingandi.