Дортмунднинг "Боруссия" клуби ҳужумчиси Юсуф Мукоко немис клуби билан шартномасини узайтиришга рози бўлди. Журналист Николо Скиранинг хабар беришича, у 2027 йилгача янги шартнома тузади.
18 ёшли ҳужумчи жорий мавсумда "Боруссия Дортмунд" сафида барча турнирлар доирасида 22 та ўйинда майдонга тушиб, 6 та гол урди ва 6 та голли узатмани амалга оширди.
Унинг клуб билан амалдаги шартномаси 2023 йилнинг ёзига қадар мўлжалланган. Юсуф Мукокога "Барселона", "Ливерпуль", "Челси", "Манчестер Юнайтед" ва Англия Премьер-лигасининг бошқа вакиллари қизиқиш билдиришган.
Аввалроқ Мукоко ёшни сохталаштиришда гумон қилинаётгани хабар қилинганди.
