"Manchester Yunayted" futbolchilari — Antoni Marsyal va Diogu Dalot Angliya chempionatining 21-turidan o‘rin olgan «Arsenal»ga qarshi o‘yinni o‘tkazib yuboradi. Ular mazkur o‘yin uchun Londonga yo‘l olishmadi.
Ular avval olgan jarohatlaridan tiklanishga ulgurishmadi. Eslatib o‘tamiz, Marsyal «Manchester Siti»ga qarshi bo‘lib o‘tgan bahsda jarohat olgan bo‘lib, «Kristal Pelas»ga qarshi o‘yinni o‘tkazib yubordi.
Dalot esa mushagidan olgan jarohat sabab jamoasining so‘nggi 2ta o‘yinida ishtirok etmadi.
«Arsenal»ga qarshi muhim bahsni Kazemiro ham o‘tkazib yuboradi. Uning sariq kartochkalari beshtaga yetgan.