Hindistonda o‘quv-mashg‘ulot yig‘inini o‘tkazayotgan  O‘zbekiston o‘smirlar terma jamoasi bugun mahalliy U17 termasi bilan dastlabki o‘rtoqlik o‘yinini o‘tkazadi. Hindiston o‘smirlar terma jamoasi ustozi Bibiano Fernandes o‘yin oldidan o‘z fikrlari bilan o‘rtoqlashdi.


Birlashgan Arab Amirliklarida o‘tkazgan yig‘inimiz ancha samarali bo‘ldi. BAA U20 termasiga qarshi o‘rtoqlik o‘yinimiz ham foydali bo‘ldi. Natijaga qaramasdan, men yigitlarning o‘yinidan qoniqish hosil qildim. Biz BAAni mag‘lub etishimiz ham mumkin edi, ammo imkoniyatlardan foydalana olmadik. Qancha ko‘p o‘yinlar o‘tkazilsa, futbolchilarda o‘ziga bo‘lgan ishonch ortib boradi.

O‘zbekiston esa juda yaxshi jamoa. Ular tezkor va jismoniy jihatdan kuchli. Yaxshi o‘yin bo‘ladi deb o‘ylayman. Bu uchrashuv orqali ayni paytda qanday holatda ekanimizni bilib olamiz.

Osiyo chempionatiga tayyorgarlik doirasida bunday bahslar juda muhim ahamiyatga ega. Bu orqali biz qit’a chempionatida raqiblardan nima kutish mumkinligini bilib olamiz. Mazkur o‘yinni tashkil qilib bergan Hindiston futbol federasiyasiga minnatdorchilik bildiraman", — dedi Fernandes.

Eslatib o‘tamiz, Hindiston va O‘zbekiston o‘smirlar terma jamoalari o‘rtasidagi dastlabki o‘yin bugun Toshkent vaqti bilan soat 15:00da boshlanadi. Ikkinchi bahs esa 24 yanvar kuniga belgilangan.