Bugun bo‘lib o‘tgan bahsda «Ayaks» safarda «Feyenoord»ni mag‘lub eta olmadi – o‘yin 1:1 hisobidagi durang bilan yakunlandi. Shu tariqa, Amsterdam klubining Gollandiya chempionatidagi g‘alabasiz seriyasi 6 uchrashuvga yetdi.
Jurnalist Bart Frouzning ijtimoiy tarmoqlarda yozishicha, «Ayaks» joriy asrda birinchi marta Gollandiya chempionatidagi g‘alabasiz seriyani oltita o‘yinga yetkazdi.
Erediviziyada «Ayaks» beshta durangga erishdi. Yana bir o‘yinda esa «PSV»ga mag‘lub bo‘ldi.
Ayni damda «Ayaks» Gollandiya chempionati turnir jadvalida 5-o‘rinni egallab turibdi. Biroq, amsterdamliklar peshqadamdan atigi besh ochko ortda qolmoqda.
