Бугун бўлиб ўтган баҳсда «Аякс» сафарда «Фейеноорд»ни мағлуб эта олмади – ўйин 1:1 ҳисобидаги дуранг билан якунланди. Шу тариқа, Амстердам клубининг Голландия чемпионатидаги ғалабасиз серияси 6 учрашувга етди.
Журналист Барт Фроузнинг ижтимоий тармоқларда ёзишича, «Аякс» жорий асрда биринчи марта Голландия чемпионатидаги ғалабасиз серияни олтита ўйинга етказди.
Эредивизияда «Аякс» бешта дурангга эришди. Яна бир ўйинда эса «ПСВ»га мағлуб бўлди.
Айни дамда «Аякс» Голландия чемпионати турнир жадвалида 5-ўринни эгаллаб турибди. Бироқ, амстердамликлар пешқадамдан атиги беш очко ортда қолмоқда.
