"Udineze" sport direktori Perpaolo Marino "Roma" va "Aston Villa" klublari qiziqish bildirayotganiga qaramay, klub hujumchi Jerar Deulofeuni sotish niyatida emasligini aytdi.
"Jerarga top-klublar qiziqadi, bu to‘g‘ri, lekin jiddiy narsa yo‘q, hammasi avvalgidek qolmoqda. Biz bu transfer oynasida hech kimni sotmoqchi emasmiz. Biroq, vaziyat o‘zgarishi mumkin, bu ko‘p omillarga bog‘liq", - deb Marino so‘zlarini keltiradi Sky Italia.
2022/23 yilgi mavsumda Deulofeu “Udineze” safida 18 ta o‘yinda maydonga tushib, 3 ta gol urdi va 7 ta golli uzatmani amalga oshirdi. Transfermarkt.com portali 28 yoshli ispaniyalik futbolchining narxini 16 million yevroga baholamoqda.
