Frank Lempard "Everton"ning bosh murabbiyligidan ketadi.

Sky Sports nashri xabariga ko‘ra, klub rahbariyati bugun 44 yoshli mutaxassisni ishdan bo‘shatish to‘g‘risida e’lon qilishlari kerak.

Ayni paytda "Everton" Angliya chempionatining turnir jadvalida so‘nggi o‘rinlarning birini egallab turibdi. Dam olish kunida jamoa "Vest Xem"ga safarda 0:2 hisobida imkoniyatni boy berdi.

Frank Lempard o‘tgan yilning yanvar oyi oxirida "Everton"ni qabul qilib olgan edi. Uning qo‘l ostida jamoa 44 ta o‘yinda 8 ta durang, 24 mag‘lubiyat va 12 ta g‘alabaga erishdi.

"Everton"ning navbatdagi o‘yini 4 fevral kuni "Arsenal"ga qarshi bo‘lib o‘tadi.