Франк Лэмпард "Эвертон"нинг бош мураббийлигидан кетади.
Sky Sports нашри хабарига кўра, клуб раҳбарияти бугун 44 ёшли мутахассисни ишдан бўшатиш тўғрисида эълон қилишлари керак.
Айни пайтда "Эвертон" Англия чемпионатининг турнир жадвалида сўнгги ўринларнинг бирини эгаллаб турибди. Дам олиш кунида жамоа "Вест Хэм"га сафарда 0:2 ҳисобида имкониятни бой берди.
Франк Лэмпард ўтган йилнинг январь ойи охирида "Эвертон"ни қабул қилиб олган эди. Унинг қўл остида жамоа 44 та ўйинда 8 та дуранг, 24 мағлубият ва 12 та ғалабага эришди.
"Эвертон"нинг навбатдаги ўйини 4 февраль куни "Арсенал"га қарши бўлиб ўтади.
