"Manchester Siti" 20 yoshli argentinalik yarim himoyachi Maksimo Perroneni o‘z safiga qo‘shib oldi. Bu haqda "shaharliklar" o‘zlarining rasmiy saytlarida ma’lum qilishdi.

Futbolchining klub bilan shartnomasi besh yarim yilga mo‘ljallangan. Jurnalistlarning fikricha, transfer summasi taxminan 7,5 million yevroni tashkil qilgan.

Perrone Argentinaning 16 yoshgacha bo‘lgan terma jamoasida o‘ynagan va Kolumbiyada 20 yoshgacha bo‘lganlar o‘rtasidagi Janubiy Amerika chempionatida qatnashadigan milliy terma jamoaning a’zosidir.