"Neftchi" yangi mavsumga tayyogarlikning uchinchi bosqich jarayonini ham avval ma’lum qilganimizdek, Turkiyaning Antalya shahrida olib boradi.

Farg‘onaliklar 25 yanvardan boshlab o‘quv-yig‘in mashg‘ulotlarini olib borishi rejalashtirilgan. Bosh murabbiy Vitaliy Levchenko qo‘l ostidagi jamoa yig‘inlar davomida nazorat uchrashuvlarida qatnashishi ko‘zda tutilgan. Bular Ukrainaning "Krivbass" hamda "Zarya", Rossiyaning "Krilya Sovetov", Armanistonning "Alashkert" va Bolgariyaning "Septemvri" jamoalari hisoblanadi.

Mazkur uchrashuvlar 1-5-9-13-16 fevral kunlariga belgilangan.