«Nyukasl» safarda «Sautgempton»ni minimal hisobda mag‘lub etdi, bu Angliya Liga kubogining birinchi yarim final uchrashuvida sodir bo‘ldi.
Shunga qaramay, jamoa ustozi Eddi Xauning fikricha, hammasi roppa-rosa bir haftadan keyin bo‘lib o‘tadigan ikkinchi o‘yinda hal bo‘ladi. U avvalroq «Nyukasl» Angliya liga kubogi finaliga chiqishga qaror qilganiga ishora qilgandi, chunki jamoa 1955 yildan beri yirik turnirlarda g‘olib chiqmagan.
«Qiyin o‘yin bo‘ldi, ikkala jamoa ham vaziyatlar yaratdi, lekin bizda xavfli hujumlar ko‘p bo‘lmagan ersada, gol urishga muvaffaq bo‘ldik.
G‘alabadan ko‘nglim to‘ldi, ammo 1:0 - qaltis hisob, hech narsa hal qilinmadi», dedi Xau.
