"Nyukasl" yarim himoyachisi Bruno Gimaraes Angliya liga kubogi birinchi yarim finalida "Sautgempton" ustidan qozonilgan g‘alaba (1:0) haqida fikr bildirdi.

25 yoshli braziliyalik futbolchi o‘z jamoasi bilan juda faxrlanishini, ayniqsa o‘z darvozasi daxlsizligini saqlab qolgan darvozabon Nik Poupni alohida ta’kidladi.

"Biz ko‘proq gol urishimiz mumkin edi, ammo "Sautgempton"ga qarshi o‘yinda bitta gol juda muhim. Men Nik Poupga rahmat aytmoqchiman. Menimcha, u dunyoning eng yaxshi darvozaboni", - dedi Gimaraes Sky Sports bilan suhbatda.

Bu jamoalar o‘rtasidagi javob o‘yini 31 yanvar kuni bo‘lib o‘tadi. Eslatib o‘tamiz, ushbu qarama-qarshilik g‘olibi turnir finalida "Nottingem Forest" - "Manchester Yunayted" juftligi g‘olibi bilan uchrashadi.