Londonning “Vest Xem” klubi va Angliya terma jamoasining yarim himoyachisi Deklan Rays faoliyatini APLning boshqa jamoasida davom ettirishi mumkin.
Give me Sport jurnalistlarining yozishicha, 24 yoshli futbolchining xizmatlariga "Liverpul" qiziqish bildirmoqda. Mersisaydliklar yarim himoyachi uchun Londonning "Arsenal" jamoasi bilan raqobatlashishga tayyor.
Deklanning transfer narxi 80 million yevroga baholanmoqda. Uning "bolg‘achilar" bilan mehnat shartnomasi 2024 yilning o‘rtalariga qadar tuzilgan.
Angliya chempionatining joriy mavsumida yarim himoyachi 20 ta o‘yin o‘tkazib, 1 ta gol va 2 ta golli uzatmani amalga oshirgan.