Лондоннинг “Вест Хэм” клуби ва Англия терма жамоасининг ярим ҳимоячиси Деклан Райс фаолиятини АПЛнинг бошқа жамоасида давом эттириши мумкин.
Give me Sport журналистларининг ёзишича, 24 ёшли футболчининг хизматларига "Ливерпуль" қизиқиш билдирмоқда. Мерсисайдликлар ярим ҳимоячи учун Лондоннинг "Арсенал" жамоаси билан рақобатлашишга тайёр.
Декланнинг трансфер нархи 80 миллион еврога баҳоланмоқда. Унинг "болғачилар" билан меҳнат шартномаси 2024 йилнинг ўрталарига қадар тузилган.
Англия чемпионатининг жорий мавсумида ярим ҳимоячи 20 та ўйин ўтказиб, 1 та гол ва 2 та голли узатмани амалга оширган.