«Nyukasl» yarim himoyachisi Allan Sent-Maksimen «Milan»ga o‘tishi mumkin. Bu haqda Foot Mercato xabar bermoqda.

Manbaga ko‘ra, «rossonerilar» rahbarlari 25 yoshli fransiyalik futbolchini sotib olish sharti bilan ijaraga olmoqchi va ikki kun ichida taklif bilan chiqishadi.

Fransiyalik futbolchi Angliya premyer-ligasining joriy mavsumida 12 ta o‘yinda maydonga tushib, 1 ta gol urdi va 3 ta golli uzatmani amalga oshirdi.

Allan Fransiyaning «Sent-Etyen» klubi tarbiyalanuvchisi hisoblanadi. 2019 yil 2 avgustda u «Nyukasl» bilan olti yillik shartnoma imzoladi. Bitim 18 million yevroni tashkil qildi.

Sent-Maksimen o‘tgan mavsum «Nyukasl» safida Premyer-ligada 35 ta o‘yinda maydonga tushib, 5 ta gol urdi va 5 ta golli uzatmani amalga oshirdi.