«Ньюкасл» ярим ҳимоячиси Аллан Сент-Максимен «Милан»га ўтиши мумкин. Бу ҳақда Foot Mercato хабар бермоқда.

Манбага кўра, «россонерилар» раҳбарлари 25 ёшли франциялик футболчини сотиб олиш шарти билан ижарага олмоқчи ва икки кун ичида таклиф билан чиқишади.

Франциялик футболчи Англия премьер-лигасининг жорий мавсумида 12 та ўйинда майдонга тушиб, 1 та гол урди ва 3 та голли узатмани амалга оширди.

Аллан Франциянинг «Сент-Этьен» клуби тарбияланувчиси ҳисобланади. 2019 йил 2 августда у «Ньюкасл» билан олти йиллик шартнома имзолади. Битим 18 миллион еврони ташкил қилди.

Сент-Максимен ўтган мавсум «Ньюкасл» сафида Премьер-лигада 35 та ўйинда майдонга тушиб, 5 та гол урди ва 5 та голли узатмани амалга оширди.