Braim Dias Marokash terma jamoasida o‘ynaydi.
Jurnalist Lino Bakko xabariga ko‘ra, "Milan"da ijara asosida o‘ynayotgan "Real"ning 23 yoshli yarim himoyachisi Marokash terma jamoasining 20-28 mart kunlari bo‘lib o‘tadigan yig‘iniga qo‘shilishi mumkin.
Dias Ispaniyaning Malaga shahrida tug‘ilganiga qaramay, uning ota-onasi Marokashdan kelib chiqqan. Braim Ispaniyaning U-17, U-19 va U-21 terma jamoalarida o‘ynagan, 2021 yilda esa kattalar jamoasida yagona o‘yinda ishtirok etgan. Litva bilan o‘rtoqlik o‘yinida Dias gol urdi, ammo shundan beri terma jamoaga chaqirilmadi.
A Seriyaning joriy mavsumida Dias 17 ta o‘yinda ishtirok etib, 4 ta gol urdi va 3 ta golli uzatmani amalga oshirdi.
