Браим Диас Марокаш терма жамоасида ўйнайди.
Журналист Лино Бакко хабарига кўра, "Милан"да ижара асосида ўйнаётган "Реал"нинг 23 ёшли ярим ҳимоячиси Марокаш терма жамоасининг 20-28 март кунлари бўлиб ўтадиган йиғинига қўшилиши мумкин.
Диас Испаниянинг Малага шаҳрида туғилганига қарамай, унинг ота-онаси Марокашдан келиб чиққан. Браим Испаниянинг U-17, U-19 ва U-21 терма жамоаларида ўйнаган, 2021 йилда эса катталар жамоасида ягона ўйинда иштирок этган. Литва билан ўртоқлик ўйинида Диас гол урди, аммо шундан бери терма жамоага чақирилмади.
А Сериянинг жорий мавсумида Диас 17 та ўйинда иштирок этиб, 4 та гол урди ва 3 та голли узатмани амалга оширди.
