"Manchester Yunayted" bosh murabbiyi Erik ten Xag "Nottingem"ga qarshi (3:0) Angliya liga kubogi 1/2 finali birinchi o‘yinida hujumchi Markus Reshfordning o‘yinini yuqori baholadi.
“U o‘yin boshidayoq ajoyib gol urdi. Hozir men dinamikaga bog‘liq bo‘lgan yaxshi tomonlarni ko‘rdim. Men Markusdan, uning o‘yini va rivojlanishidan mamnunman. U o‘sishda davom etadi. U bu jarayonni qo‘llab-quvvatlashi kerak. Agar biz uni to‘g‘ri pozisiyalarga qo‘ysak, uni to‘xtatib bo‘lmaydi. Markus aqldan ozgan narsalarni qila oladi. U shunday kayfiyatda bo‘lsa, uni to‘xtatib bo‘lmaydi", - deya Ten Xagdan iqtibos keltiradi Mirror.
Reshfordning "Nottingem" darvozasiga kiritgan goli futbolchi uchun JCHdan so‘ng mavsum qayta boshlanganidan beri barcha musobaqalardagi 10-goli bo‘ldi.
Javob o‘yini 1 fevral kuni "Old Trafford"da bo‘lib o‘tadi. Uchrashuv Toshkent vaqti bilan 01:00 da boshlanadi.
