"Манчестер Юнайтед" бош мураббийи Эрик тен Хаг "Ноттингем"га қарши (3:0) Англия лига кубоги 1/2 финали биринчи ўйинида ҳужумчи Маркус Рэшфорднинг ўйинини юқори баҳолади.

“У ўйин бошидаёқ ажойиб гол урди. Ҳозир мен динамикага боғлиқ бўлган яхши томонларни кўрдим. Мен Маркусдан, унинг ўйини ва ривожланишидан мамнунман. У ўсишда давом этади. У бу жараённи қўллаб-қувватлаши керак. Агар биз уни тўғри позицияларга қўйсак, уни тўхтатиб бўлмайди. Маркус ақлдан озган нарсаларни қила олади. У шундай кайфиятда бўлса, уни тўхтатиб бўлмайди", - дея Тен Хагдан иқтибос келтиради Mirror.

Рэшфорднинг "Ноттингем" дарвозасига киритган голи футболчи учун ЖЧдан сўнг мавсум қайта бошланганидан бери барча мусобақалардаги 10-голи бўлди.

Жавоб ўйини 1 февраль куни "Олд Траффорд"да бўлиб ўтади. Учрашув Тошкент вақти билан 01:00 да бошланади.