"Manchester Yunayted" yozgi transfer oynasida "Napoli" hujumchisi Viktor Osimxenni sotib olishi mumkin, deya xabar beradi insayder Janluka Di Marsio.
Insayderning aytishicha, "Manchester Yunayted" yozda Osimxenni sotib olishga jiddiy harakat qiladi. Klub skautlari uni mavsum boshidan buyon kuzatib kelmoqda.
"Napoli" A Seriyada g‘alaba qozonsa, hujumchini 120 million yevroga qo‘yib yuborishi mumkin.
Qayd etilishicha, “Manchester Yunayted” albatta Osimxenni sotib olmoqchi, biroq futbolchiga boshqa klublar ham qiziqish bildirmoqda.
Nigeriyalik forvard joriy mavsumda 19 ta o‘yinda 14 ta gol urdi va 3 ta golli uzatmani amalga oshirdi.