«Anje» yarim himoyachisi Azzedin Unai «Marsel»ga o‘tadi.

Klublar 22 yoshli futbolchining transferi shartlari bo‘yicha to‘liq kelishib oldilar: transfer narxi 8 million yevroni tashkil qiladi, nufuzli insayder Fabrisio Romanoning so‘zlariga ko‘ra, «Anje» yana 2 millionni bonuslar ko‘rinishida olishi mumkin.

Marokash terma jamoasi yarim himoyachisining o‘zi «Marsel» bilan 2027 yilgacha mo‘ljallangan shartnoma bo‘yicha kelishib oldi.

Azzedin Unai Qatardagi jahon chempionatida to‘rtinchi o‘rinni egallagan Marokash terma jamoasining asosiy o‘yinchilaridan biri edi.

Liga 1ning joriy mavsumida futbolchi «Anje» safida 15 ta o‘yin o‘tkazib, gol urmagan.