2018 yilda Xorvatiya terma jamoasi yarim himoyachisi Luka Modrich jamoasini jahon chempionati finaliga olib chiqdi va o‘sha yil oxirida Messi va Ronalduning cheksiz «Oltin to‘plar» seriyasini buzdi va o‘zi uchun nufuzli individual sovrinni qo‘lga kiritdi.

Modrich jamoasida tijorat masalalari bilan shug‘ullangan sobiq xodimi Simon Bastyansenning so‘zlariga ko‘ra, o‘sha g‘alabadan keyin Modrich sovg‘alar uchun pul ayamagan - Luka klub va terma jamoadagi har bir sherigiga, shuningdek, texnik xodimlarga sovg‘a bergan (hatto avtobus haydovchilariga ham). U bir juft nufuzli Rolex soatlarini tarqatgan.

Hammasi bo‘lib, Modrich o‘shanda 50 ta soat xarid qilgan.