2018 йилда Хорватия терма жамоаси ярим ҳимоячиси Лука Модрич жамоасини жаҳон чемпионати финалига олиб чиқди ва ўша йил охирида Месси ва Роналдунинг чексиз «Олтин тўплар» сериясини бузди ва ўзи учун нуфузли индивидуал совринни қўлга киритди.
Модрич жамоасида тижорат масалалари билан шуғулланган собиқ ходими Симон Бастянсеннинг сўзларига кўра, ўша ғалабадан кейин Модрич совғалар учун пул аямаган - Лука клуб ва терма жамоадаги ҳар бир шеригига, шунингдек, техник ходимларга совға берган (ҳатто автобус ҳайдовчиларига ҳам). У бир жуфт нуфузли Rolex соатларини тарқатган.
Ҳаммаси бўлиб, Модрич ўшанда 50 та соат харид қилган.
