Pep Gvardiola «Man Siti»ning «Arsenal» ustidan qozongan g‘alabasi haqida gapirdi.

Angliya kubogining 4-bosqichida «shaharliklar» o‘z maydonida londonliklarni mag‘lub etishdi (1:0). Yagona gol 64-daqiqada himoyachi Natan Ake tomonidan kiritildi.

«Ikkinchi bo‘limda biz, albatta, yaxshiroq edik. «Arsenal» oldinga qadam tashladi. Uchrashuv juda keskin o‘tdi, Arteta qo‘l ostida qanday yaxshi jamoa shakllanganligini tushunish mumkin.

Ulardan bunday o‘yin kutmagandim. Bizga qarata hujumlar tashkil qilish boshqa jamoalarga qiyin edi. Ammo baribir liga peshqadamini mag‘lub etib, keyingi bosqichga yo‘l oldik», — dedi Pep.