Пеп Гвардиола «Ман Сити»нинг «Арсенал» устидан қозонган ғалабаси ҳақида гапирди.
Англия кубогининг 4-босқичида «шаҳарликлар» ўз майдонида лондонликларни мағлуб этишди (1:0). Ягона гол 64-дақиқада ҳимоячи Натан Аке томонидан киритилди.
«Иккинчи бўлимда биз, албатта, яхшироқ эдик. «Арсенал» олдинга қадам ташлади. Учрашув жуда кескин ўтди, Артета қўл остида қандай яхши жамоа шаклланганлигини тушуниш мумкин.
Улардан бундай ўйин кутмагандим. Бизга қарата ҳужумлар ташкил қилиш бошқа жамоаларга қийин эди. Аммо барибир лига пешқадамини мағлуб этиб, кейинги босқичга йўл олдик», — деди Пеп.
