Mikel Arteta «Arsenal»ning «Manchester Siti»dan uchralgan mag‘lubiyati haqida fikr bildirdi.

London klubi Angliya kubogi 4-bosqichida safarda «Siti»ga imkoniyatni boy berdi (0:1).

«Men juda xafaman. O‘ylaymanki, biz bu o‘yinda ancha yaxshi natijaga erisha olardik. Bitta harakat uchrashuv natijasini hal qildi. O‘yin keskin o‘tdi, ammo bir harakat hammasini o‘zgartirdi.

O‘ylaymanki, to‘p o‘z maydonimizda bo‘lganda intizomliroq o‘ynagan bo‘lardik. Yaqqol imkoniyatlarga ega bo‘ldik, ammo gol ura olmadik. O‘ylaymanki, biz bu o‘yindan ko‘p ijobiy narsalarni olishimiz mumkin - qanday tayyorlandik, qanday kurashdik. Bu jamoaga qarshi g‘alaba qozonish juda qiyin, ammo biz oxirigacha kurashdik», — dedi Arteta.