«Marsel» hujumchisi Bamba Dyeng faoliyatini «Loryen»da davom ettiradi. Klub yangi futbolchini Fransiya chempionatining 20-turidan o‘rin olgan «Renn»ga (2:1) qarshi o‘yin oldidan tanishtirdi.

22 yoshli senegallik 2021 yildan buyon «Marsel»da to‘p tepadi. Transfermarkt portali futbolchining narxini 8 million yevroga baholamoqda.

Joriy mavsumda Dyeng provansliklar safida barcha turnirlar doirasida 12 ta o‘yinda maydonga tushib, 2 ta gol urdi va 1 ta golli uzatmani amalga oshirdi. JCH-2022da u to‘rtta uchrashuvda bitta gol urgan.