«Марсель» ҳужумчиси Бамба Дьенг фаолиятини «Лорьен»да давом эттиради. Клуб янги футболчини Франция чемпионатининг 20-туридан ўрин олган «Ренн»га (2:1) қарши ўйин олдидан таништирди.
22 ёшли сенегаллик 2021 йилдан буён «Марсел»да тўп тепади. Transfermarkt портали футболчининг нархини 8 миллион еврога баҳоламоқда.
Жорий мавсумда Дьенг провансликлар сафида барча турнирлар доирасида 12 та ўйинда майдонга тушиб, 2 та гол урди ва 1 та голли узатмани амалга оширди. ЖЧ-2022да у тўртта учрашувда битта гол урган.
