Kataloniyaning "Barselona" klubi o‘ng qanot himoyachisi Ektor Belyerin faoliyatini Portugaliyada davom ettirishi mumkin. Bu haqda insayder David Ornshteyn xabar berdi.
Ma’lumotlarga ko‘ra, 27 yoshli ispaniyalik futbolchining xizmatlariga "Sporting" qiziqmoqda. Ular Belyerin bilan qishning o‘zida yoki yozda shartnoma imzolashi noma’lum.
Transfermarkt portali Ektorni 15 million yevroga baholagan. U joriy mavsumda 7 ta o‘yinda ishtirok etdi.













