"Manchester Yunayted"ning sobiq futbolchisi va futbol eksperti Roy Kin yarim himoyachi Kazemironing ingliz klubiga o‘tishi haqidagi fikrlari bilan o‘rtoqlashdi.

"So‘nggi yillarda "Manchester Yunayted"ga xarakterli, sifatli futbolchi yetishmayapti. O‘yinga ta’sir qiladigan yigit - ayniqsa yarim himoyada. Kazemiro - mega sifatli o‘yinchi. Biz buni har hafta ko‘ramiz. Bu o‘yinlar natijasiga ta’sir qiladi.

Ko‘chib o‘tishdan oldin Kazemiro "Real Madrid"da hujumga yo‘naltirilgan turli o‘yinchilar bilan ishlagani uchun himoyada qolishga moyil edi. Lekin oxirgi oylarda uning hujumda juda yaxshi ekanligini ko‘rdik. "Manchester Yunayted" uchun eng muhim transfer. U ajoyib xarakterga ega va bu "MYU"ga kerak edi", - deya Kinning so‘zlarini keltiradi Sky Sports.

30 yoshli braziliyalik futbolchi 2022 yilning avgustidan buyon "Manchester Yunayted" safida o‘ynayapti. Joriy mavsumda u ingliz klubi safida 28 ta o‘yin o‘tkazib, 4 ta gol urdi va 5 ta golli uzatmani amalga oshirdi.