"Манчестер Юнайтед"нинг собиқ футболчиси ва футбол эксперти Рой Кин ярим ҳимоячи Каземиронинг инглиз клубига ўтиши ҳақидаги фикрлари билан ўртоқлашди.
"Сўнгги йилларда "Манчестер Юнайтед"га характерли, сифатли футболчи етишмаяпти. Ўйинга таъсир қиладиган йигит - айниқса ярим ҳимояда. Каземиро - мега сифатли ўйинчи. Биз буни ҳар ҳафта кўрамиз. Бу ўйинлар натижасига таъсир қилади.
Кўчиб ўтишдан олдин Каземиро "Реал Мадрид"да ҳужумга йўналтирилган турли ўйинчилар билан ишлагани учун ҳимояда қолишга мойил эди. Лекин охирги ойларда унинг ҳужумда жуда яхши эканлигини кўрдик. "Манчестер Юнайтед" учун энг муҳим трансфер. У ажойиб характерга эга ва бу "МЮ"га керак эди", - дея Киннинг сўзларини келтиради Sky Sports.
30 ёшли бразилиялик футболчи 2022 йилнинг августидан буён "Манчестер Юнайтед" сафида ўйнаяпти. Жорий мавсумда у инглиз клуби сафида 28 та ўйин ўтказиб, 4 та гол урди ва 5 та голли узатмани амалга оширди.
