"Roma" Nikolo Dzanyoloning "Bornmut"ga o‘tishni rad etganidan g‘azabda.
Eslatib o‘tamiz, ingliz klubi "Roma"ga 30+5 million yevro, shuningdek, keyingi sotuv summasining 10 foizini taklif qilgan. Rimliklar bu taklifni qabul qilishdi, ammo futbolchining o‘zi "Bornmut" sport direktori bilan uchrashishdan va shartnoma imzolashdan bosh tortdi.
Rimliklarning Dzanyolo va uning agenti yaratgan vaziyatdan juda hafsalasi pir bo‘ldi.
Il Tempo nashri xabariga ko‘ra, "Roma" yarim himoyachiga nisbatan intizomiy choralar ko‘rishga tayyorlanmoqda. Klub uni mavsum oxirigacha diskvalifikasiya qilishi mumkin.
Dzanyolo ko‘proq takliflar bo‘lishi kutilayotgan iyun oyida "Roma"ni tark etishga umid qilmoqda.
23 yoshli yarim himoyachi joriy mavsumda “Roma” safida barcha turnirlar doirasida 17 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
