"Рома" Николо Дзаньолонинг "Борнмут"га ўтишни рад этганидан ғазабда.
Эслатиб ўтамиз, инглиз клуби "Рома"га 30+5 миллион евро, шунингдек, кейинги сотув суммасининг 10 фоизини таклиф қилган. Римликлар бу таклифни қабул қилишди, аммо футболчининг ўзи "Борнмут" спорт директори билан учрашишдан ва шартнома имзолашдан бош тортди.
Римликларнинг Дзаньоло ва унинг агенти яратган вазиятдан жуда ҳафсаласи пир бўлди.
Il Tempo нашри хабарига кўра, "Рома" ярим ҳимоячига нисбатан интизомий чоралар кўришга тайёрланмоқда. Клуб уни мавсум охиригача дисквалификация қилиши мумкин.
Дзаньоло кўпроқ таклифлар бўлиши кутилаётган июнь ойида "Рома"ни тарк этишга умид қилмоқда.
23 ёшли ярим ҳимоячи жорий мавсумда “Рома” сафида барча турнирлар доирасида 17 та ўйинда майдонга тушиб, 2 та гол урди ва 1 та голли узатмани амалга оширди.
